最近喺 爱奇艺平台 播出嘅

(相关资料图)

《萌探探探案》第三季

真係话题多多

香港艺员上节目

竟然演出电影feel

节目采访时对片场爆料

又引起咗唔少争议

喺 “无间道”主题 节目中

曾志伟又韩琛上身

一秒入戏演技俾观众大赞

“一颦一笑都係戏”

“影帝真係水平高”

只不过班“马仔”戏冇交足

“火拼”嘅时候

丢底个“大佬”要佢躬台底……

当然，呢啲安排

可能係为搞笑效果

仲有两位前TVB艺人

加盟节目扮演NPC

一位係“大湾区哥哥”温兆伦

一位係color嘅friend梁竞徽

两位真係好敢讲

提到喺内地嘅工作状态

佢哋直言“水土不服”

梁竞徽爆内地拍戏 好到唔 习惯

工作人员对佢 “服侍周到 ”

拍两个镜头就催佢坐低休息

一下镜头就有人帮佢脱戏服

相比之下，

喺香港拍戏节奏会好紧张

对演员要求係

连镜头变换都要听得明

导演一叫“埋位”就要识演

对片场变化要做到心中有数

佢仲起底翻自己嘅 入行经历

居然因为头发染成黄毛似坏人

被导演选去演“少年犯”

不过睇翻之前佢哋嘅戏

无线训练班锻炼真係有嘢到

佢一出场就入戏

演技已经好成熟

喺《飞虎》入面演反派

被观众赞“眼神都係戏”

而上年出演《黑金风暴》

佢又同“爆seed”（林峯）

重演《使徒行者》戏份

两人相识于江湖混混

后来变身重案组警员

温兆伦係歌手身份出道嘅

不过讲到“为咩冇从演员开始”

佢就好谦虚咁话自己冇人要

仲係无线训练班嘅“落榜生”

事实上佢拍第一部戏

就係演男主角

经过喺片场多年摸爬滚打

温兆伦都同大家分享咗

好多演戏方面嘅经验

例如 唔 好谂住有人帮你托底

事事应该自己落手做

机器点摆、灯光喺边度

呢类幕后嘢

作为演员要了解多啲

讲完仲拉梁竞徽 来 “拍鼻窿”

示范转换微焦镜头要点演

大家仲好好奇

TVB点 解可以出咁多“影帝”

作为无线训练班毕业生

梁竞徽同大家爆料咗好多

无线训练班嘅教学内容

当场演示要学嘅

口语同肢体训练

喐手比划两下 功夫训练

为咗培训多栖艺人

训练班会教埋

唱歌、化妆等多样技能

所以怪唔得

TVB个个演员都咁全能

近年嚟

唔少香港艺人都有北上发展

梁竞徽作为其中一员

暂时演出机会都唔多

梁竞徽现在大部分精力

係经营佢自己嘅社交平台账号

用自己嘅镜头

带大家体验内地生活

上个月好兴奋咁带大家

去睇天安门升旗仪式

依家除了上综艺节目

喺电商“带货”赛道

都揾到咗“一席之地”

对于观众嚟讲

始终都係希望

在更多影视作品里见到

梁竞徽呢啲实力派演员嘅

你话係唔係呢？

MORE

今日娱乐看点

郭晋安老婆晒毕业照

郭晋安老婆欧倩怡

从港大营养师课程毕业

佢着学士服现身毕业典礼

妆容精致精气十足

《消失的她》明天上映

由朱一龙、倪妮、 文咏珊主演嘅

《消失的她》 明天全国上 映

之前的试映获得一众好评

观众大赞“悬疑迭起”

“结果让人猜不透”

阿Bob有拍新剧？

最新剧集《天龙八部》中

“南海鳄神”扮演者神似阿Bob

fans连连追问阿Bob

“係唔系有份拍摄？”

搞到Bob亲自出面澄清

仲承认扮相实在似自己

资料来源：微博、官微

网络综合整理

编辑：黄译萱

审核：曾敏妍

签发：骆苹

扫描下方二维码订阅 【微店】可乐生活小店 【淘宝】羊晚生活馆 【邮政】中国邮政微邮局 ▼

>>>

一次过get可乐 报详细内容

羊城晚报报业集团旗下的粤语生活类报纸，广东省唯一一份粤语刊物。 广州至潮至IN的吃喝玩乐，湾区潮流资讯风向，统统喺晒度！

官方微信号：靓仔可乐君（handsomecolor）